𞤔𞤋𞥅𞤇𞤌𞤂𞤁𞤓 𞤐𞤁𞤉𞤈 𞤑𞤀𞤃𞤉𞤈𞤓𞤐

𞤖𞤮𞥅𞤪𞤫𞥅𞤶𞤮 𞤑𞤢𞤥𞤫𞤪𞤵𞤲 𞤮𞤲⹁ 𞤆𞤮𞥅𞤤 𞤄𞤭𞤴𞤢⹁ 𞤸𞤢𞥄𞤤𞤣𞤭𞤣𞤭𞥅 𞤫 𞤉𞤥𞤢𞤲𞤵𞤴𞤫𞤤 𞤃𞤢𞤳𞤮𞤪𞤮𞤲⹁ 𞤸𞤮𞥅𞤪𞤫𞥅𞤶𞤮 𞤊𞤢𞤪𞤢𞤲𞤧𞤭 𞤮𞤲⹁ 𞤲𞤺𞤢𞤥 𞤲𞤫𞤱𞤲𞤵𞤺𞤮𞤤 𞤲𞤮 𞤱𞤭𞤯𞤼𞤮 𞤱𞤢𞤯𞤭𞤪𞤢 𞤫 𞤲𞤺𞤮𞥅 𞤱𞤢𞤪𞤲𞤺𞤮 𞤱𞤢𞤯𞤵𞤲’𞤺𞤮 𞤫 𞤺𞤵𞤪𞤫 𞤱𞤮𞤲𞤭𞤪𞤯𞤫 𞤸𞤭𞤪𞤲𞤢 𞤑𞤢𞤥𞤫𞤪𞤵𞤲. 𞤙𞤢𞤤𞤲𞤣𞤫 𞥑𞥔 𞤕𞤮𞤤𞤼𞤮 𞥒𞥐𞥒𞥐⹁ 𞤳𞤮 𞤴𞤢𞤱𞤼𞤭 𞤴𞤭𞤥𞤩𞤫 𞥒𞥐 𞤱𞤢𞤪𞤢𞤲𞤮 𞤫 𞤱𞤵𞤪𞤮 𞤱𞤭𞤫𞤼𞤫𞥅𞤲𞤺𞤮 𞤐𞤺𞤢𞤪𞤦𞤵⹁ 𞤸𞤭𞤳𞥆𞤮𞤪𞤲𞤺𞤮 𞤳𞤢 𞤸𞤭𞤪𞤲𞤢𞥄𞤲𞤺𞤫-𞤲𞤢𞤲𞤮 𞤑𞤢𞤥𞤢𞤪𞤵𞤲.

𞤐𞤣𞤭𞤺𞤢 𞤸𞤭𞤼𞤢𞥄𞤲𞤣𞤫 𞥒𞥐𞥑𞥗⹁ 𞤳𞤮𞤲𞤵 𞤤𞤫𞤧𞤣𞤭 𞤑𞤢𞤥𞤫𞤪𞤵𞤲 𞤲𞤺𞤵𞤲⹁ 𞤲𞤮 𞤸𞤢𞤩𞤣𞤵𞤣𞤫 𞤫 𞤣𞤵𞤲𞤣𞤢𞤪𞤢𞤲𞤳𞤫𞥅𞤩𞤫 𞤸𞤢𞥄𞤤𞤭-𞤫𞤲𞤺𞤫𞤤𞤫𞥅𞤩𞤫 𞤥𞤵𞤪𞤼𞤢𞤥𞤩𞤫 𞤤𞤢𞥄𞤥𞤵 𞤲𞤺𞤵𞤲. 𞤊𞤢𞥄𞤲𞤣𞤢𞥄𞤪𞤫 𞤩𞤫𞥅 𞤥𞤵𞤪𞤼𞤵𞤩𞤫⹁ 𞤳𞤮 𞤶𞤫𞤴𞤼𞤢𞥄𞤪𞤫 𞤱𞤮𞤲𞤢𞤲𞤣𞤫 𞤲𞤮𞤳𞥆𞤵𞥅𞤶𞤫 𞤸𞤢𞥄𞤤𞤭-𞤫𞤲𞤺𞤫𞤤𞤫𞤴𞤢𞤲𞤳𞤮𞥅𞤶𞤫 𞤯𞤫𞤲. 𞤊𞤢𞥄𞤤𞤫 𞤥𞤢𞤩𞥆𞤫𞤫 𞤳𞤢𞤣𞤭⹁ 𞤳𞤮 𞤴𞤮 𞤩𞤫 𞤸𞤫𞤬𞤼𞤵 𞤯𞤫𞤲 𞤲𞤮𞤳𞥆𞤵𞥅𞤶𞤫 𞤲𞤺𞤢𞤥 𞤲𞤮 𞤩𞤫 𞤤𞤢𞥄𞤼𞤭𞤲𞤭𞤪𞤢 𞤯𞤫 𞤤𞤫𞤧𞤣𞤭 𞤬𞤫𞥅𞤪𞤫𞥅𞤪𞤭.

𞤖𞤮𞤤 𞤳𞤮 𞤱𞤮𞤲𞤭 𞤧𞤢𞤦𞤵 𞤯𞤵𞤥؟

𞤉 𞤱𞤭𞤭 𞤥𞤢𞤩𞥆𞤫⹁ 𞤳𞤢𞤥𞤩𞤫 𞤥𞤵𞤪𞤼𞤵𞤩𞤫 𞤩𞤫𞤲⹁ 𞤤𞤢𞥄𞤥𞤵 𞤑𞤢𞤥𞤫𞤪𞤵𞤲 𞤲𞤺𞤵𞤲 𞤱𞤢𞤤𞤢𞥄 𞤼𞤮𞤼𞥆𞤵𞤣𞤫 𞤸𞤢𞤳𞥆𞤫𞥅𞤶𞤭 𞤥𞤢𞤩𞥆𞤫 𞤯𞤭𞤲. 𞤂𞤢𞥄𞤥𞤵 𞤲𞤺𞤵𞤲 𞤳𞤢𞤣𞤭 𞤲𞤮 𞤭𞤼𞥆𞤭𞤲𞤼𞤭𞤲𞤭 𞤩𞤫⹁ 𞤥𞤢𞤱𞤲𞤭𞤲𞤭 𞤶𞤢𞤲𞤺𞤵𞤩𞤫 𞤬𞤢𞤪𞤢𞤲𞤧𞤭 𞤣𞤮𞤱 𞤥𞤢𞤩𞥆𞤫 𞤳𞤢𞤥𞤩𞤫 𞤶𞤢𞥄𞤲𞤺𞤮𞥅𞤩𞤫 𞤫 𞤸𞤢𞥄𞤤𞤮𞥅𞤩𞤫 𞤫𞤲𞤺𞤫𞤤𞤫. 

𞤉 𞤲𞤣𞤫𞤪 𞤤𞤫𞤧𞤣𞤭 𞤑𞤢𞤥𞤢𞤪𞤵𞤲⹁ 𞤳𞤮 𞤯𞤫𞤲𞤯𞤫 𞤯𞤭𞤯𞤭 𞤱𞤮𞤲𞤭 𞤺𞤮𞤤𞥆𞤭𞤼𞤭𞤪𞤯𞤫 𞤳𞤢 𞤤𞤢𞥄𞤥𞤵. 𞤑𞤮 𞤬𞤢𞤪𞤢𞤲𞤧𞤫𞥅𞤪𞤫 𞤲𞤣𞤫𞤲 𞤫 𞤫𞤲𞤺𞤫𞤤𞤫𞥅𞤪𞤫 𞤲𞤣𞤫𞤲. 

𞤖𞤮𞤤 𞤳𞤮 𞤢𞤣𞥆𞤭 𞤯𞤵𞤥؟

𞤀𞤣𞤮 𞤲𞤣𞤫𞥅 𞤸𞤢𞤪𞤫 𞤢𞤣𞤵𞤲𞤢𞤴𞤢𞤲𞤳𞤮𞥅𞤪𞤫 𞤥𞤢𞤱𞤲𞤣𞤫 𞤢𞤪𞤢𞤲𞤫𞤪𞤫 𞤲𞤣𞤫𞤲⹁ 𞤱𞤢𞤯𞤵𞤲𞤮𞥅 𞤲𞤣𞤫 𞤸𞤢𞤳𞥆𞤵𞤲’𞤣𞤫 𞥑𞥙𞥑𞥔 𞤫 𞥑𞥙𞥑𞥘⹁ 𞤳𞤮 𞤤𞤫𞤧𞤣𞤭 𞤔𞤢𞤪𞤥𞤢𞤲𞤭𞥅 𞤲𞤣𞤭𞤲 𞤢𞤲𞤣𞤭𞤪𞤢𞥄𞤲𞤣𞤭 𞤳𞤢𞤣𞤭 𞤀𞤤𞤥𞤢𞥄𞤻𞤭⹁ 𞤶𞤮𞤺𞤭𞤲𞤮𞥅 𞤑𞤢𞤥𞤫𞤪𞤵𞤲. 𞤇𞤢𞤴𞤼𞤭 𞤩𞤫 𞤬𞤮𞥅𞤤𞤢𞥄𞤥𞤢 𞤫 𞤲𞤣𞤫𞤲 𞤸𞤢𞤪𞤫 𞤥𞤢𞤱𞤲𞤣𞤫⹁ 𞤤𞤫𞤴𞤯𞤫 𞤯𞤫 𞤩𞤫 𞤶𞤮𞤺𞤭𞤲𞤮𞥅 𞤬𞤮𞤬 𞤲𞤣𞤫𞤪 𞤀𞤬𞤪𞤭𞤳𞤢𞥄⹁ 𞤧𞤫𞤲𞤣𞤭𞤼𞤢𞥄 𞤸𞤢𞤳𞥆𞤵𞤲’𞤣𞤫 𞤊𞤢𞤪𞤢𞤲𞤧𞤭 𞤫 𞤉𞤲𞤺𞤫𞤤𞤫. 𞤑𞤮 𞤯𞤵𞤥 𞤱𞤮𞤲𞤭 𞤧𞤢𞤦𞤵 𞤧𞤫𞤲𞤺𞤮 𞤑𞤢𞤥𞤢𞤪𞤵𞤲 𞤸𞤭𞤳𞥆𞤮𞤪𞤲𞤺𞤮 𞤲𞤺𞤮𞤲 𞤐𞤢𞤶𞤫𞥅𞤪𞤭𞤴𞤢⹁ 𞤫𞤲𞤺𞤫𞤤𞤫𞥅𞤩𞤫 𞤩𞤫𞤲 𞤸𞤫𞤲𞤣𞤭𞤲𞤢𞥄 𞤼𞤮𞤲. 𞤑𞤮 𞤸𞤫𞤣𞥆𞤭𞥅 𞤳𞤮𞤲 𞤬𞤮𞤬⹁ 𞤱𞤢𞤯𞤢𞥄 𞤫 𞤶𞤵𞥅𞤯𞤫 𞤊𞤢𞤪𞤢𞤲𞤧𞤭.

𞤘𞤭𞤤𞤢 𞥒𞥐𞥑𞥗⹁ 𞤥𞤵𞤪𞤼𞤵𞤩𞤫 𞤩𞤫𞤲 𞤲𞤮 𞤸𞤢𞤩𞤵𞤣𞤫 𞤤𞤢𞥄𞤥𞤵 𞤲𞤺𞤵𞤲. 𞤑𞤮𞤲𞤮⹁ 𞤺𞤭𞤤𞤢 𞤲𞤺𞤮𞥅 𞤱𞤢𞤪𞤲𞤺𞤮 𞤧𞤢𞤳𞥆𞤭𞤼𞤭𞥅𞤲𞤺𞤮 𞤯𞤮𞥅 𞤱𞤢𞤯𞤭⹁ 𞤐𞤶𞤵𞤩𞥆𞤵𞤤𞥆𞤭 𞤢𞤣𞤵𞤲𞤢𞤴𞤢𞤲𞤳𞤮𞥅𞤶𞤭 𞤯𞤭𞤲 𞤲𞤮 𞤻𞤮𞤰𞥆𞤵𞤣𞤫 𞤤𞤢𞥄𞤥𞤵 𞤑𞤢𞤥𞤫𞤪𞤵𞤲 𞤲𞤺𞤵𞤲 𞤬𞤮𞤼𞤢. 𞤍𞤭𞥅 𞤲𞤶𞤵𞤩𞥆𞤵𞤤𞤭 𞤲𞤮 𞤼𞤫𞤲𞤼𞤭𞤲𞤢𞤲𞤣𞤫 𞤤𞤢𞥄𞤥𞤵 𞤑𞤢𞤥𞤫𞤪𞤵𞤲 𞤲𞤺𞤵𞤲 𞤼𞤮𞤼𞥆𞤵𞤺𞤮𞤤 𞤸𞤢𞤳𞥆𞤫𞥅𞤶𞤭 𞤸𞤢𞥄𞤤𞤭-𞤫𞤲𞤺𞤫𞤤𞤫𞥅𞤩𞤫 𞤩𞤫𞤲⹁ 𞤳𞤢𞤻𞤵𞤲 𞤫 𞤻𞤭𞥅𞤩𞤲𞤵𞤺𞤮𞤤 𞤩𞤵𞤩𞤼𞤵 𞤲𞤺𞤵𞤲.

𞤑𞤵𞤯𞤮𞤤 𞤐𞤢𞤲𞤣𞤮𞤤𞥆𞤢𞤱𞤮𞤤

𞤀𞤷𞥆𞤫𞥅 𞤯𞤮𞤮 𞤥𞤭𞥅𞤶𞤮 𞤥𞤮𞤲